Inhlanganiso yabemigodi eye Zimbabwe Chamber of Mines ikhangelelwe ukucela idale le Supreme Court ukuthi lihluzisize iziqondiso zomthetho we Indigenization ezincindezela amalungelo amankampani.
Kulamagqwetha akhaliphileyo abikwa enike iChamber of Mines ugwalo olujulileyo olutshengisa ukuthi umthetho lo kanye leziqondiso zawo kungamiswa lidale.
Lolugwalo lubikwa luveza sobala ukuthi akuqedakali ukuthi kukhulunywa ngani nxa kuthiwa izizalwane ze Zimbabwe yizo okumele zithenge amashares.
Ugwalo lolu luthi kumele labamhlophe abazalelwa eZimbabwe bangene kuloluhlelo.
Okuphume mgceke njalo yikuthi uhulumende usefuna ukuthatha ngamandla amankampani emazweni njengoba esefuna ukuthi amashares amankampani la afakwe kumankampani azadingwa nguhulumende.
Ingcwethi kwezomthetho wamankampani uMnu. Kucaca Phulu uthi iChamber of mines iyitshaye ekhaleni ngokuthatha inyathelo leli elibukekayo.
