Izifundo zalabo abazangena ebantwini bethatha imibono ezasetshenziswa ekulotshweni kwesisekelo sombuso esitsha eziqale ngoMvulo zigqitshwe eHarare ngolweSithathu.
Izifundo lezi bezingezokuqoqa indlela leziqondiso ezizasetshenziswa ukuthatha imibono kazulu. Kunsukwana ezilandelayo laba bantu bakhangelele ukwaziswa ukuthi sebezangena nini ezigabeni ukuyakuzwa imibono kazulu, lokuthi baya kuziphi izigaba.
Kodwa inhlanganiso elwela ukulotshwa kutsha kwesisekelo sombuso eye National Constitutional Assembly ithi izifundo lezi ziqhutshwe okungekho emthethweni.
I NCA ithi uzulu akumelanga emukele uhlelo lokulotshwa kwesisekelo sombuso oluqhutshwa nguhulumende.
UBrenda Moyo owe Studio 7 uxhume omunye wabangena kulezizifundo uMnumzana Rejoice Ngwenya othi ngokubona kwakhe uhlelo lokulotshwa kutsha kwesisekelo sombuso luzaqhutshwa ngemfanelo, njalo uzulu uzakutsho indlela afuna ukubuswa ngayo.
