Ingcwethi kwezomnotho welizwe zithi imbiko kamphathintambo wezamabhizimusi lomnotho welizwe, uMnu. Mike Bimha eyokuthi umnotho usuqalisile ukuthuthuka kulandela izinqumo zikahulumende ezokuvuselela umnotho.
UBimha utshele iphephandaba le The Herald ukuthi inani labosomabhizimusi asebefuna ukuzosungula amabhizimusi seliqongile.
Lanxa kulodubo lokucitshwa kwamandla kagetsi osekuphazamise amabhizimusi amanengi, uMnu. Bimha uthe kulezibonelo zokuthi umnotho welizwe usuqalise ukuphakama phansi kwenhlelo ze Zanu PF.
“Ele Zimbabwe lilungiselele ukuthuthuka okulethwa ngabamabhizimusi abokuza lanxa abanye abantu besithi imithetho yethu iyenqabela ukusungulwa kwamabhizimusi,” kutsho uBimha.
Ingcwethi kwezomnotho welizwe, uMnu. Rejoice Ngwenya utshele iStudio Seven ukuthi nxa kukhangelwa izibonelo ezisetshenziswa ukukhangela ukuthuthuka komnotho welizwe akula ngitsho lesisodwa isibonela esisekela imbono ka Bimha.
“Nxa ukhuluma ngokuthuthuka komnotho welizwe kulezibonelo ezifana lomkambo wemali, (istock exchange) kodwa ungakhangela lumkambo uzabona ukuthi intengo yemali yamankampani iphansi kakhulu,” kutsho uNgwenya.
