Ingcwethi Zikhuthaza Ukukhumisana Umlotha Phakathi Kwele Israel leHamas

Impi phakathi kweIsrael lebutho leHamas, elafakwa kuluhlu lwamalwecatsha adlulisa amalawulo, amaterrorist yiMelika leEuropean Union, iqhubekela phambili iqina edolobheni le Khan Younis esihlengeni seGaza.

Inhlanganiso yomanyano wamazwe omhlaba eyeUnited Nations ithi usizo alusenelisi ukufinyelela endaweni ezinengi zeGaza ngaphandle kwasedolobheni leRafar eliseduze lomngcele weGaza leEgypt ngenxa yokulwisana osekusenza imigwaqo ingasahambeki.

Abantu abafika phose izigidi ezimbili, 1.9 million sebelahlekelwe yimizi yabo eGaza abanengi besiyaphephela endaweni ezisezansi zona esezigcwele kakhulu njalo sekulengozi yokumemetheka kwemikhuhlane.

Inhlanganiso yomanyano wamazwe uthi inkulungwane lenkulungwane zabantu sezibalekele eRafah kusukisela ngeviki edluleyo.

Ngesikhathi esifanayo, i-Israel yengezelele ukutshaya kwayo endaweni ezigoqela i-Khan Younis, elinye lamadolobho amakhulu eGaza.

Exoxa leStudio7 uMnu Effie Dlela Ncube, ocubungula ezombusazwe njalo emela amalungelo oluntu ephansi kwenhlanganiso emela abathengi eye National Consumer Rights Association (NACORA) uthe amalungelo abantu abasendaweni ezilempi kufanele avikelwe njalo baphathiswe ngosizo lokudla lokunye.

Embed share

Ingxoxo loMnu Effie Dlela Ncube ngempi yeIsrael leHamas.

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:26 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala