Izakhamizi esabelweni seZansi yemaNdebeleni zithi ukuqhamuka komkhuhlane weCovid 19 kuphazamise ukuthakazelelwa kwelanga lekhisimusi lonyaka okudale ukuthi lidlule njengayoyonke amalanga
Inengi lezakhamizi kulesisabelo zilezihlobo ezisebenzela emazweni abalisa eleSouth Africa lase Botswana ezivame ukuthi zibuye ngalesisikhathi sekhefu lekhisimusi ukuzobona izihlobo labangane.
Kodwa lonyaka kulandela ukuqhamuka komkhakha oweOmicron injiva kazibuyanga ngobunengi okudale ukuthi ilanga lekhisimusi libeduma.
UNkosazana Lindiwe Moyo oyisizalwane sakuleli esebenzela kwele South Africa ngomunye wabalutshwane abaze ekhaya.Uthi inengi lisele emva ngenxa yezizatho ezithize.
UNkosikazi Matilda Dube oweVokola kuWard 7 eFilabusi uthi lonyaka yikhisimusi ngebizo nje.
Okugcizelelwe nguNkosikazi Saziso Khumalo esinye njalo isakhamuzi zeVokola.
UNkosikazi Siphathisiwe Nkala oweSilikwe eGwanda North uthi njengabomama bebehlanganisa imali emaClub kodwa ukudla abalakho akweneli.
UMnu Gabriel Moyo oyisakhamuzi seMawane thi impahla kazibambeki ezitolo.
Osakhulayo uConstentine Mpofu umqoqi wenhlelo zeMatobo Youth Development Initiative oweMaphisa uthi uzulu kümele azithokozise kodwa engadlulisi amalawulo.
Inani lababulawa ngumkhuhlane weCovid 19 kuleli liya liqonga njalo ngolwesine bangamatshumi amabili lasikhombisa 27 abafileyo ngenxa yomkhuhlane weCovid 19 kuthi izolo kufe abalitshumi lasithupha.
