Induna kazulu, uNhlanhlayamangwe Ndiweni, owasuswa esikhundleni nguhulumende ngomnyaka ophelileyo, uthi lokhu eyinduna yabantu beNtabazinduna.
UNdiweni, owelatshwa amehlo kulez’insuku kwele Bhilithani, uthi umdeni wako Ndiweni uyakusekela lokhu njengoba wakhethwa nguyise ukuba angene esikhundleni lesi engakatshoni.
“Lokhuyana kwakungumlilo wamaphepha. Bayakwazi ukuthi benza okungekho emthethweni. Ngiyinduna yeNtabazinduna. Ngiyathetha amacala, ngikhuluma labantu ngakho konke ababhekane lakho.”
UNdiweni wavalelwa entilongweni nyakenye esetheswa icala lokufuza isibaya semuli elowesifazana owabanjwa esemacansini leyinye indoda emzini wakhe. UNdiweni wacela abantu abambalwa ukuthi benze lokhu indoda kamama lo isithi akumelanga umkakhe abiselwe kubozala ukuze ayelaywa.
Wavunyelwa ukuba ahlawule isibambiso se-bail.
Uthi icala leli kaliyindawo ngoba uhulumende wayeganga esesaba ukuthi usekelwa ngabantu abanengi.