Namhlanje kuhlelo lwethu Liphuma Lendaba Litshona Lendaba sixoxa loNkosazana Dorcas Sibanda omela isigaba se Bulawayo Central edale lephalamende sihlaziya umumo wezokudla, ikakhulu impuphu kulandela imbiko ethi amabele asezasilela eziphaleni zesizwe eze Grain Marketing Board.
Ngenyanga edluleyo inhlanganiso yabachola umumbu eye Grain Millers' Association yazisa uzulu ukuthi iziphala ze Grain Marketing Board seziselalwe ngamabele angedluli amaviki amabili, ikakhulu esigabeni seMatabeleland.
Kodwa uSibanda uthi: "Indlala ukuba khona elizweni ikhona abantu abanengi kabasebenzi. Kade bengama bread winner bavuke imisebenzi isiphelile lalabo aba se Diaspora sikhangele kakhulu abavele eSouth Africa nxa bebuya lapha iRand kaliselamandla."
USibanda uthi lapho kuphiwa uncedo izakhamizi kukhangelwa ukuthi ngabeliphi ibandla bengakaphiwa loluncedo okwenza indlala ibhahe ngamandla.
Wengeze esithi okunye yikwehluleka kukahulumende ukuthi asungule imisibenzi njengezithembiso zakhe lapho ekhankasela ukhetho.
"Ukudla kungaba khona lapha lalaphaya kodwa ungeke ungene esitolo uphongukudobha impahla ngoba kuyabe kumele ubhadale kodwa abantu kabala mali," kutsho uSibanda.
