Inhlanganiso yezisebenzi zemigodini eye National Mine Workers Union of Zimbabwe ithi ukungami kuhle kwemithetho ephatha izisebenzi isiphazamisa ukumelelwa kakuhle kwazo ikakhulu ezemigodini emikhulu.
Unobhala jikelele wenhlanganiso yeNational Mine Workers Union of Zimbabwe umnumzana Sylverster Mushaike uthi ngomumo wemithetho yezisebenzi eyiyo khona okwamanje ama Union amanengi alakho ukusebenza engekho enhlanganisweni yeNational Employment Council okwenza engenelisi ukumela amalunga awo kuzivumelwano zeCollective Bargaining kwezeholo okutshiya izisebenzi zemigodi etshiyeneyo ezenza umsebenzi ofanayo zicine zithola iholo elitshiyeneyo.
Uthi sikhuluma kanje izisebenzi zemigodini emikhulu efana le Unki, Mimosa, Zimplats le Ashanti zicina zisala zingela magrade afanayo lezinye zonke elizweni zitshiyana ngokuthi zisebenzela umgodi bani ikakhulu izisebenzi ezitshayela imitshina emikhulu engasasebenzisi inqola zenjanji ezithiwa yi trackless miners ethi ukuthi kube lenguquko edingakalayo yikuba ama unions wonke angene kuNational Employment Council ukuze befuqe udaba lokuguqulwa komthetho we Collective Bargaining.
Njengoba bengekho kuleyo council okwamanje benza okokulandela isivumelwano esiyabe siphume kiyo bona bengamelelwanga okuyinto esolwa yizisebenzi ngoba abanye bevumelana iholo eliphansi noma bona bengabe befisa elihambelana lokuqonga kwentengo yezinto ele Poverty Datum Line.
Umnumzana Elijah Mutemeri we ZCTU uthi lolu lodaba oludinga ukusebenzelana phakathi kwenhlanganiso ezinje zikhokhelwa kakuhle nguhulumende okuyinto ekhanya isingasekho njengalokho okwakusenzakala kudala:
Incitshi kwezezisebenzi umnumzana Nicholas Gawa uthi kudingakala inguquko enkulu emithethweni yonke nje ehambelana lezisebenzi okugoqela ebamba izivumelwano ze Collective Bargaining lokuphatheka ku ma Employment Council ukuze kube lula. Uthi njengomzekeliso umthetho weCollective Bargaining agreement walungiswa ngezikhathi zeEsap ingakabi khona ngabo 1990 waguqulwa kancane ngomnyaka ka 1992 kuphela ethi okwamanje kulodubo lomkhuhlane weNuemochomiosis ongaphansi komthetho we Neumochomiosis Act kodwa abezemigodi bengelawo amandla okusekela leli nyathelo likahulumende ngokuzwayo.Uthi osokungadingakala yikuba kubelendlela yokuthi ama union wonke kusiya ngabantu abalawo anikezwe izihlalo ku N.E.C ezihambelana lamalunga abalawo okuthiwa yi Propotional Representation.