EleMelika selengeze ngomnyaka izijeziso zenotho elazifakela uMongameli Robert Mugabe labanye bakhe kubandla leZanu PF.
Lokhu kwenzakala kungakedluli insuku zatshwala uMugabe esungule umkhankaso wokuwesulwa kwalezi zijeziso ngamazwe afana leMelika kanye leBhilithani.
Eqhelisa lezizijeziso uMongameli Barack Obama uthe lanxa sokulenguquko ethile kwezenotho elizweni, iziphathamandla zeZanu PF lokhe ziqhubeka zisephula ilungelo loluntu, zisenqabela lombuso okhululekileyo.
I European Union layo yengeze izijeziso zayo kunsukwana ezedluleyo. Umkhokheli weZanu PF edale lephalamende uMnu Joram Gumbo usole kakhulu eleMelika ngenyathelo leli.
Kodwa ingcwethi ecubungula ezombusazwe uMnu Rejoice Ngwenya uthe kulungile ukuba izijeziso lesi ziqheliswe ngoba iZanu PF ilokhe ingakaguquli izenzo zayo.
