Icele le MDC elikhokhelwa nguMnu. Welshman Ncube lithi selilobele uMongameli Robert Mugabe incwadi limazisa ngenyathelo elilithethe lokuthi uNcube aphathe isikhundla sokuba ngumsekeli wenhloko kahulumende, esiphethwe ngobengu mkhokheli lelibandla uMnu. Arthur Mutambara.
Icele leli lithi likhangelele ukuthi uNcube agcotshwe ngokuphangisa isinqumo lesi singemukelwa nguMugabe, ukwenzela ukuthi liqhubeke liphatheke kunhlelo zikahulumende womanyano.
Amalunga ambalwa alelicele aphikisana lezinqumo zalelibandla abikwa azamiswa phambi kwedale le Disciplinery Committee yona ezanquma ukuthi ajeziswe kumbe hatshi.
Umsekeli wesikhulumi salelibandla, uMnu. Nhlanhla Dube, utshele uSithandekile Mhlanga we Studio 7 ukuthi ibandla lakhe likhangelele ukuthi uNcube agcotshwe ngokutshetsha ukwenzela ukuthi ibandla leli liphatheke ngokugcweleyo kunhlelo zikahulumende womanyano.