Sokuphume imbiko ethile ezindabeni ethi uMongameli Robert Mugabe akaphilanga kahle njalo usesibhedlela kwele Malaysia.
Amaphephandaba anjenge Daily Telegraph yeBhilithane, iMail and Guardian yakwele South Africa, iNewsday ye Zimbabwe, imisakazo ye South African Broadcasting Corporation kanye labanye abezindaba abambalwa babika ukuthi uMongameli Mugabe uhlaselwe ngumkhuhlane wemvukuzane njalo lumkhuhlane uza ngamandla.
Kodwa-ke isikhulumeli sakhe uMnu. George Charamba utshele amaphephandaba la ukuthi lokhu ngamanga.
Uphinde wathi uMongameli Mugabe ukhangelelwe ukuthi aphenduke emsebenzini kunsukwana ezilandelayo.
Isikhulumeli sebandla le Zanu PF uMnu. Rugare Gumbo uthi obebambele uMongameli Mugabe isikhundla sakhe kasenzi lowomsebenzi okutshengisa ukuthi umongameli we Zimbabwe uziphilele.
