Ilizwe le Germany lithi akusiloqiniso ukuthi lizayekela ukunika iZimbabwe uncedo olutshiyeneyo loba nje omunye wabo ethathelwe ipulazi ngabalandeli bebandla le Zanu PF esigabeni se Manicaland kumaviki amabili aphelileyo.
Unkosazana Teresa Ziehe omele uhulumende we Germany utshele iStudio 7 ukuthi ilizwe lakhe lacina ukunika iZimbabwe imali yokuthuthukisa ilizwe ngomnyaka ka 2002 ngakho-ke akulaqiniso ukuthi lizakuma ukupha iZimbabwe uncedo oluhanjiswa kunhlanganiso ezizimele zodwa.
Ngomnyaka ophelileyo iGermany inike enikwe zeZimbabwe inhlanganiso ezizimeleyo uncedo oluyizigidi ezingamatshumi amahlanu amadola eMelika.
Umnu. Rejoice Ngwenya, ingcwethi ecubungula ezenotho utshele uGibbs Dube we Studio 7 ukuthi amabandla eMovement for Democratic Change sokumele avuse umhlonga atshengisele ukuthi awakufuni okwenzakala emapulazini osokubisela ilizwe emuva.
