lkhomishini ekhokhelwa nguMnu. Kgalema Motlanthe, ebidingisisa ngokwenzakala mhlaka 1 kuNtulikazi lonyaka kulandela udlakela olwaqhamuka ngemva kokhetho lokudinga umongameli, ithi isiqgibile loluhlelo, njalo isidindisile izingwalo ezimumethe okwatholakala kulolucwaningo ezizakwethulelwa umongameli Mnangagwa ngoMgqibelo.
Isikhulumeli salikhomishini uMnu. John Masuku uthi isifinqo salolugwalo, i-summary, sinikezwe uMongameli Mnangagwa ngoLwesine, kodwa ingwalo ezigcweleyo ziqoqwe ngoLwesihlanu.
Lanxa ikhomishini le ibiphiwe inyanga ezintathu ukuqhuba loluhlelo, yona ithethe ezimbili lengxenye kuphela.
Kuphume ubufakazi obutshiyeneyo phambi kwale ikhomishini, ebone iziphathamandla zikahulumende kanye lezamabandla atshiyeneyo, zisethesana umlandu ngokuthi onguye owabangela udlakela njalo wabulala abantu ngubani.
Kwadutshulwa abantu abayisithupha kwalimala abambalwa kutshengiselwa kusolwa indlela impumela yokhetho eyayisethulwa ngayo yinhlanganiso yeZimbabwe Electoral Commission.
UMnu. Masuku uthi umongameli Mnangagwa nguye osezakutsho ukuthi ugwalo lolu luzakwethulwa nini ebantwini.
