Enye yenhlanganiso ezimela izakhamizi zeHarare iCombined Harare Residents Association (CHRA) isisole ukudilizwa kwezindlu ezedlula ikhulu yikhansili yaleli dolobho elokitshini leBudiriro izolo.
Umanisipala uthi izindlu lezi zakhiwe endaweni ezingavunyelwayo njalo uthi abanikazi bazakhile lanxa ebebaxwayisile ngaphambilini ukuthi bephula umthetho.
Kodwa iCHRA ithi umanisipala nguye oyephula umthetho ngoba engadingelanga izakhamizi ezinye indawo zokuhlala engakadilizi izindlu zazo.
Ithi izaphikisa isenzo sekhansili lesi ngoLwesihlanu emthethwandaba.
Ukubhidlizwa kwezindlu lezi kuza ngesikhathi inengi lezisebenzi liqhubeka ngokulahlekelwa yimisebenzi kulandela isinqumo somthethwandaba weSupreme Court esenza kube lula ukuthi abaqatshi bagumule izisebenzi mahlayana.
Ukuhlaziya loludaba sixhume isiphathamandla seCHRA uMnu Mfundo Mlilo lokhansila weHarare eSouthaton uMnu Peter Moyo. UMlilo nguye osungule lingxoxo.
