Ikhansili yakoBulawayo ithi ngoMvulo izasusa abantu abathenga bethengisa impahla emigwaqweni ibahambise endaweni ezisemthethweni.
Lokhu kwenzakala ngesikhathi kulabanye njalo abasuswa emadolobheni atshiyeneyo, agowela elePlumtree lapho osokwethulwe imibiko okuba bazisukele emigwaqweni bengakadudulwa ngamapholisa.
Umsekeli kameya wako Bulawayo, uMnu. Edwin Ndlovu, uthi bafisa ukulungisela abathengisa emigwaqweni indawo ezitshiyeneyo zokuthengisa okutshiyeneyo hatshi enzikini yedolobho leli.
Uthi bafisa ukuvimba ukumemetheka kwegciwane lohudo olumemetheka kwamanye amadolobho.
UNkosikazi Debra Mukasa okunhlanganiso yeBulawayo Vendors and Traders Association uthi sebexoxa labathengisa emigwaqweni babacebisa ukuthi besuke endaweni ezingekho emthethweni.
Forum