Abekhansili yakoBulawayo bathi bathethe inyathelo lokudlulisela phambili ukunanza kwaleli dolobho iminyaka edlula ikhulu-125 ngemva kokunanzelela ukuba umgcwabo weqhawe lesizwe uDr Dumiso Dabengwa uhlelwe ukwenziwa khona NgoMgqibelo ngakho uthi ukubone kufanele ukuthi avulele ithuba lokuthi uBulawayo avalelise iqhawe lakhe. UMnunzana Solomon Mguni uchasisa ngaleli nyathelo.
“Njengoba belisazi abanengi ukuthi ngoMgqibelo besithakazelela 125years njengedolobho sithe sesizwe umbiko wokubhubha kuka baba uDabengwa sithe sike sibeke eceleni amalungiselelo amacelebrations ukuthi sikhale lemuli kababa uDabengwa kanye lemuli yeZimbabwe sesiyaqhubeka ngoLwesibili mhlaka 4 June ukuthakazelela i125years iBulawayo wasungulwa njengedolobho.”
UMnunzana Rodney Jele onguKhansila kaWard 22 eNkulumane koBulawayo laye ugcizelela kulokho.
“UBaba uDabengwa uyabekwa ngeSaturday sesipostpone amacelebrations ethu awakoBulawayo e125 year celabrations tomhlaka 4 which is a Tuesday in honor of ubaba uDabengwa and the respect that we have for ubaba uDabengwa and the contribution ayenzileyo edolobheni lakoBulawayo.”
UMnunzana Iphithule Maphosa isikhulumeli seZAPU ubonge uMeya wakoBulawayo ngaleli nyathela.
“Sithanda ukubonga usodolobho wakoBulawayo uBaba uSolomon Mguni ngokulalela langokuvuma isicelo setthu esisenze namhlanje ekuseni ukubana kedlulisele umcimbi wokuthakazelela anniversary yeBulawayo city council wona obuqondane lokubekwa kukababa uDabengwa NgoMgqibelo , sizwe sesitshelwa ukuthi umcimbi wakoBulawayo usuzaba mhlaka 4 Nhlangula sithanda ukubonga ukuthi sekuyasinika ithuba lokuthi sinike ubaba uDabengwa inhlonipho njengeqhawe lesizwe njengeqhawe lezwekazi leAfrica njalo kusinika ithubalokuthi sithakazelele anniversary yethu yedolobho lakoBulawayo simanyene sibambene”
UMnunzana Strike Mkandla unobhala jikelele weZapu uthi wonke umuntu ofuna ukuzavalelisa uDabengwa wamukelekile enkundleni eyeWhite City.
Izolo sikhulumile ukuthi okokuqala ngoLwesihlanu sizakuya eWhite city wonke umuntu ofuna ukuvalelisa uDabengwa ngeFriday uHulumende njengoba seethe bayananzelela uliqhawe lelizwe labo bayavunyelwa ukuthi babe kuprogram ngoMgqibelo sisiyabeka emManxeleni lakho futhi kuzaba lengxenye kaHulumende and then eyenduna uNdiweni off cource indawo zonke ifamily ayisoze uswelakale abako Khumalo labakoDabengwa bayabe bekhona.”
UMnunzana Freeman Sipho Dabengwa umfowabo kamuyi uchasisa ngamalungiselelo.
“Amalungiselelo esilawo yikuthi kube le memorial service ngeFriday kodwa kule issue ngestadium lanxa besikhulume ngeWhite city that we were going to check the stadium besesibuya back sesitshela abantu ukuthi ezabe ingaphi umgwabo ungoMgqibelo uyabe useManxeleni lokho its concrete and kuzabuya abantu befamily lamaMinisters labanye abazasuka eBotswana, South Africa angila sure engxenye labantu abasuka eZambia”
Imuli kanye lenkokheli yebandla leZapu, bakhanye belokujabula ukuthi amalungiselelo wokuyabeka iqhawe, wonke ahamba ngendlela njalo baloyisa ukuthi wonke umuntu azizwe ekhululekile ukuthi abekhona ekuvaleliseni loba ekubekweni kukaDabengwa ngoba ubeliqhawe lesizwe hatshi elebandla kuphela.
