Umphathintambo wezemali, uMnu. Patrick Chinamasa usethe izisebenzi zikahulumnde zizathola iholo lebonus.
Ukuphenduka kukaChinamasa kulandela imbiko kaMongameli Robert Mugabe ngempelasonto embuthanweni wokunanza ilanga likazibuse.
UMongameli Mugabe uthi isinqumo sokuthi izisebenzi kazisoze zithole ibonus senziwe idale le Cabinet laye bengatshelwanga.
Ingcwethi ezicubungula ezenotho zimtshayele ihlombe uChinamasa zisithi lelinyathelo lihle ngoba ilizwe lithwaliswenzima ngokubhadala izisebenzi zikahulumende, ikakhulu iholo lebonus.
UChinamasa uxolisile wathi waphosisa njalo imali yokubhadala izisebenzi izadingwa. Inhlanganiso ezilwela ilungelo lezisebenzi zikahulumende lazo zamukele umbiko ka Chinamasa.
Kodwa abebandla leMDC-T bathi uMugabe kumele axotshe uChinamasa ngoba etshengise ukuthi kawazi umsebenzi. Ingcwethi ecubungula ezombusazwe njalo elilunga lebandla leZanu PF, uMnu. Morris Ngwenya utshele iStudio Seven ukuthi ukwehlukana ingqondo kukaMugabe loChinamasa akutshengisi ukungezwani kubandla leli.
Ukuhlaziya loludaba uChris Gande uphinde waxoxa lengcwethi ecubungula ezombusazwe ezimeleyo, uMnu. Rejoice Ngwenya ukuze sizwe imbono yakhe ngaloludaba.