Idale le High Court lithi ixuku lalelibandla, elizithi yi MDC Renewal Team kalilamvumo yokuthonisisa umkhokheli weMDC-T owetheswa amacala abalisa ukungalandeli izinqumo zebandla lokusebenzisa udlakela ngoba umhlangano owapha lesi singqumo wawungabunjwanga ngokusemthethweni wesisekelo sombuso walelibandla.
Kodwa kuthe kuphiwa lesi sinqumo ixuku le Renewal lalo belihleli idale lithonisisa uTsvangirai lanxa engayanga. UMahluli wedale le High Court, uMnu. Happius Zhou uphe lesi sinqumo kulandela amaphepha afakwe emthethwandaba ngamalunga eMDC-T, uMnu. Lovemore Moyo loMnu. Thamsanqa Mahlangu.
Icele le Renewal belimelwe nguMnu. Lovemore Madhuku obengekho emthethwandaba kuthi ele MDC-T belimelwe nguMnu. Douglas Mwonzora oyisikhulumeli njalo salelibandla.
UChris Gande weStudio 7 uxoxe lelunga le Renewal, uMnu. Promise Mkhwananzi othi bazabuyela emththwandaba bephikisa lesi sinqumo.
