Ikomidi yedale lephalamende eyeStanding Rules and Orders ngoMvulo iqale uhlelo lokubuzisisa abantu abafuna ukuba ngamalunga amakomishini agoqela eyamalungelo kazulu iHuman Rights Commission leyokhetho iElectoral Commission.
Kulesikhundla esisodwa kuHuman Rights Commision njalo abadinga lumsebenzi bebeyisithupha.
KuElectoral Commission khona kulezikhundla ezimbili njalo abaze ephalamende bedinga lumsebenzi balitshumi lambili.
Uhlelo lolu luyaqhubeka ngoLwesibili ikomidi yephalamende ibuzisisa abafuna ukuba ngamalunga amakomishini amatsha amabili athi iGender Commission leNational Peace and Reconciliation Commission.
KuGender Commission kulezikhundla eziyisikhombisa njalo kuPeace and Reconciliation kulezikhundla eziyisitshiyagalombili.
Omunye wabagcinisihlalo beStanding Rules and Orders Committee uMnu Nelson Chamisa utshele iStudio 7 ukuthi uhlelo lwanamuhla luhambe kuhle.
Ukhlaziya loludaba sixhume ingcwethi kwezombusazwe uMnu Nkululeko Sibanda saqala ngokumbuza ukuthi aqakatheke kanganani amakomishini la?
