Idale leCabinet liqinise isinqumo salo seviki edluleyo esokuthi ingoma zebandla leZANU PF ezitshaywa emisakazweni azilunganga njalo kumele zisuswe emoyeni.
Ilunga leCabinet elingathandanga ukuqanjwa ngegama litshele lumsakazo ukuthi loludaba lukhulunywe ngalo okujulileyo emhlanganweni wangolweSithathu.
Imisakazo yeZBC itshaya ingoma zeqembu leMbare Chimurenga Choir ezihaya uMongameli Robert Mugabe lebandla leZANU PF, ziseyisa uhulumende womanyano.
Kodwa laloba idale leCabinet ngeviki edluleyo linqume ukuthi ingoma lezi kumele zisuswe emoyeni, umqondisi weZBC uMnumzana Happison Muchechetere uthe ingoma lezi zizaqhubeka zidlala ngenkani.
Abalwa impi yenkululeko bekuvuyo leZANLA bathi bayasekela lezingoma, kodwa ababekuZIPRA bathi impi yaphela kudala ngakhoke akudingeki ukuthi elizweni kuhlatshelwe ingoma ezinje.
Umqondisi weZimbabwe liberators peace initiative uMnumzana Max Mnkandla uthi ingoma lezi kumele zingadlalwa emoyeni.
