Idale labaphathintambo ele Cabinet lehlulekile ukuthatha isinqumo sokuthi kumele kwenziweni ngeqembu lenguqu ele North Korea elikhangelelwe ukuthi lizedlala lizilibazisa lise Zimbabwe, lilolongela umncintiswano wenguqu wenkezo yamazwe womhlaba eye 2010 World Cup.
Umnu. David Coltart umphathintambo wezemfundo, amasiko lemidlalo uthi loba udaba lolu lungasahlafunwanga lidale leli ngolweSibili, wenelise ukukhuluma lo Mnu. Walter Mzembi ngeqembu leli omcebise ukuthi ulakho ukuthola impendulo ecacileyo ngolweSithathu ngaleli qembu.
Umnu. Nkululeko Sibanda ingcwethi ecubungula ezombusazwe njalo elwela amalungelo oluntu utshele uGibbs Dube we Studio 7 ukuthi ibandla le Zanu PF selidonsela muva ngodaba lolu lisesaba ukuthi uzulu engalisusela amanqe nxa iqembu leli lingazilibazisa lise Zimbabwe.
