IReserve Bank of Zimbabwe (RBZ) iwisa isisindo seZimbabwe Gold (ZiG) ngokuyisilinganiso sokungamatshumi amahlanu ekhulwini – 50%.
Usibalukhulu webhanga leli uMnu. John Mushayavanhu uthi benze lokhu kulandela isinqumo esithethwe luhlangothi lwe-RBZ Monetary Policy Committee esokuthi kumele iZiG ithengwe njalo ithengiswe ngesisindo sayo emkambo wemali hatshi okufiswa libhanga leli.
Okwamanje idollar leMelika lithenga amaZiG afika phose amatshumi amane 23.4 emkambo osemthethweni. Belithenga amaZiG alitshumi lanye kungakawiswa isisindo seZiG.
Emkambo wensitha idollar lemelika lithenga amaZiG edlula amatshumi amathathu – 33.3.
Ukuwa kwesisindo seZiG besokusethesa amavinkili amakhulu atshele uhulumende ukuba alakho ukuvala uma ebanjwa ngamandla ukuthi athengise impahla ngeZiG hatshi idollar lemelika.
Ukuze sihlaziye udaba lolu, sixoxe lengcwethi kwezenotho uMnu. Stevenson Dlamini osebenza ekolitshini leNational University of Science and Technology othi lenze kahle ibhanga leli ukuwisa isisindo seZiG.
Forum