Umphathintambo wezemali uMnu. Tendai Biti uthi ibhanga le Renaissance Merchant Bank eliphose labhidlizwa yizikwelede ezifika izigidi ezilitshumi lanhlanu zamadola eMelika kade lisetshenziswa njengesitolo esincane sokuzilibazisa okucutshwa khona imali santando.
UBiti utshele idale lephalamende ukuthi uhulumende uzama ngamandla wonke ukuthi ancede ibhanga leli lika Mnu. Patterson Timba ekade lisebenzelana lozulu lamankampani atshiyeneyo.
Uphinde wathi lokhe kusahlolisiswa ukuthi iNational Social Security Authority ingasebenzisa njani eyinye imali yayo ukwenzela ukuthi ithenge amashares amanengi eRenaissance Bank.
Kodwa-ke uzulu uyala ukuthi kusetshenziswe imali ye NASSA ukwenzela ukuvuselela ibhanga leli.
Ingcwethi kwezenotho uMnu. Walter Nsununguli Mbongolwane uthi akumelanga uhulumende asebenzise imali ye NASSA ukuvuselela iRenaissance Bank.
