Ibandla leZanu PF lithakazelela ukupasiswa kwe-Private Voluntary Organizations Amendment Bill lidale leSenate.
Lithi inhlanganiso ezinengi eZimbabwe bezisemukela imali eziyinikwa ngezinye ezilwisana lohulumende ngakho-ke iBill le izakuvimba konke lokhu ingapasiswa ukuba ngumthetho nguMongameli Emmerson Mnangagwa.
Kodwa abaphikisayo bathi kuyethusa okwenzakale edale leSenate ngoba uhulumende usezakuba lamandla okuvala zonke inhlanganiso ezicatshangelwa ukuba zilwisana lebandla leZanu PF.
Ukuze sihlaziye udaba lolu, sixoxe loMnu. Kuda Munsaka okunhlanganiso yeForever Associates Zimbabwe edlelana lebandla elibusayo othi kuhle kakhulu okwenziwe lidale leSenate.
Siphinde saxoxa ngodaba lolu loMnu. Solani Moyo omele iMatabeleland South edale leSenate ekubandla leCitizens Coalition for Change othi kuyayangisa okwezakale edale leli.
Forum