Ibandla eliphikisayo eleDemocratic Alliance lithi kumele bonke abalamaphepha eZimbabwe Exemption Permits bevunyelwa ukuba yizizalwane zakwele South Africa.
Umgcinisihlalo webandla leli, uNkosikazi Hellen Zille, uthi abadabuka eZimbabwe basebenza okumangalisayo ngakho-ke kumele benikwe ithuba lokuba yizizalwane zakulelilizwe.
Ibandla leli likhangelelwe ukuba lizakhulumisanana lele African National Congress ukuze kubunjwe uhulumende omutsha kulandela ukwehluleka kwe-ANC ukuba linqobe kukhetho olusanda kuqhutshwa kwele South Africa.
Kulabantu abafika phose inkulungwane ezingamakhulu amabili – 180,000 abalamaphepha la okuthiwa azaphela ukusetshenziswa ngoMpalakazi lonyaka.
Ukuze sihlaziye udaba lolu, sixoxe loMnu. Fortune Mlalazi, ingcwethi kwezombusazwe ezimeleyo, othi akukakhanyi kahle ukuba kuzakwenziwani ngabadabuka eZimbabwe abahlala eZimbabwe lakwamanye amazwe abalamaphepha eZEP kanye labangelayo.
Forum