Inhlanganiso emela izakhamizi zedolobho leHarare eye Combined Harare Residents Association isisungule umkhankaso oqalisa ngolweSihlanu wokususa izibi lokuthanyela ingcekeza emizini yeMabvuku leTafara. I CHRA ithi isebenzelana lezakhamizi zakulindawo ezizaphatheka emkhankasweni lo.
UBrenda Moyo weStudio 7 ukhulume loNkosikazi Beatrice Ngwenya umgcinisihlalo wenhlanganiso ye CHRA, othi umkankaso lo bazawusa lakweminye imizi yedolobho leHarare ngoba umanisipala esehluleka umsebenzi.
UBrenda uphinde waxhuma ingcwethi ecubungula ezombusazwe uMnumzana Rejoice Ngwenya othi izakhamizi ezinengi ziyehluleka ukubhadala imithelo kumanisipala, okwenza umanisipala ehluleke ukuqhuba umsebenzi ngemfanelo. UNgwenya uphatha njalo udaba lwamagundwane asehluphile eHarare.
