Namhla kuhlandla lethu lesibili lengxoxo eziphathelane lobukhosi bamaNdebele sixoxa loMnu. Greater Sibanda, isikhulumeli sikaMnu. Stanely Raphael Khumalo.
Nyakenye uKhumalo wazama ukuthi agcotshwe phambili kwezakhamizi kodwa lokhu kwehlula waze wayagcotshwa ngasese.
Siqale ngokubuza uSibanda ukuthi kanti vele babethuleleni kumaviki ambalwa lapho okwakulemizamo yokugcoba uMnu. Bulelani Collins Lobhengula Khumalo?
USibanda uthi: "Lelo liqiniso lelo ngoba sithe thina singangeni ethuleni lolungoba angithi uyakwazi ukuthi thina sihamba ngendlela yokuthula. Ungakhangela ukuvuswa kuka Stanley Raphael Khumalo uvuswe ngendlela yokuthula."
USibanda uthi bama eceleni befuna ukubona ukuthi bazayenza njani "into yabo" ngoba bengafuni ukungena "ethulini lwabo."
Kodwa uthi ngesikhathi efifitshane esilandelayo bazaqala njalo inhlelo zabo zokungena ebantwini.
Uthi kwabaliphutha ukuthi udaba lobukhosi bamaNdebele lusiwe emthethwandaba ngoba phansi kwesisekelo se Zimbabwe umuntu olamandla obukhosi ngumongameli.
Ulandule ukuthi kulenkosi ezintathu esithi: "Yinye kuphela inkosi engu Stanely Raphael Khumalo."
Kusasa siyaqhubeka ngenxoxo yethu yobukhosi bamaNdebele lapho esizaxoxa khona loMnu. Peter Zwidekalanga Khumalo.