Inhlanganiso ezilwela amalungelo abesifazana ezingaphansi komanyano weWomen’s Coalition of Zimbabwe zihlangene eHarare ngoLwesibili zisola ukuthi iGender Commission Bill yenziwe umthetho welizwe ngoba zisithi ayilandeli konke okumunyethwe yisisekelo sombuso selizwe, kanye leziqondiso zeSADC Protocol on Gender and Development.
Umgcinisihlalo walumanyano, uNkosikazi Virginia Muwanigwa uthi iGender Commission Bill ayicaci ukuthi izalinganisa njani amathuba kwabesifazana labesilisa. Wengezelele wathi akulabufakazi bokuthi amalunga ekhomishini le ayabe engathathi uhlangothi kwezombusazwe elizweni.
UNkosikazi Muwanigwa utshele uSithandekile Mhlanga weStudio 7 ukuthi umanyano wakhe uzaqhubeka uxoxisana lohulumende ngaloludaba lanxa kudanisa ukuthi akukakhethwa umphathintambo wogatsha lukahulumende olubona ngeziphathelane labesifazana.
