*********** Amalunga enhlanganiso yabalwela ilungelo likazulu eye Women Of Zimbabwe Arise-WOZA atshengisela eHarare esola ikhansili yalelidolobho ngokuhlukuluza abaphila ngokuthengisa ezitaladini.
********* Impumela yenhlolisiso eqhutshwe zinhlanganiso ezilwela ilungelo loluntu eziphansi komanyano we Crisis of Zimbabwe Coalition, iveza ukuba umumo womnotho elizweni uqhubeka usiba mubi, kulezibonelo zokuba awuyikulungiseka kusikhatshana esifitshane esilandelayo ngoba isimo sombusazwe laso singasekeli intuthuko yomnotho.
*********** Ngemva kokwethulwa kwakhe izithembiso zezinto azazenzela uzulu nxa ethe wakhethwa ukubusa owake waba ngumsekeli kamongameli osowaxotshwa kuZanu PF uNkosikazi Joice Mujuru iManifeso, inengi lokhe lizibuza uzagcwalisa lezi zithembiso njani yena engela bandla lezombusazwe aselethulele umpakathi.
***********Kuhlelo lweLivetalk sikhangela ukwethulwa kweziqondiso zezinto ezithenjiswa uzulu ngowake waba ngumsekeli kamongameli welizwe uNkosikazi Joice Mujuru nxa ethe wakhethwa iManifeso. Lingakhuthwa yilezi ndaba lezinye kuStudio 7 ngo 8 ntambama kumagagasi athi 909 AM kumbe 4930 lo15455 Shortwave.
