Kusigaba sokwenzakala kwele Melika sixoxa ngokwethulwe ngowayengumongameli uMnu. Donald Trump othi kuzakuba lokugedla kwamazinyo elizweni leli uma engakhethwanga nguzulu kukhetho oluzaqhutshwa ngoLwezi lonyaka.
Kodwa uthi ubekhuluma ngokukhuphuka kwentengo yemota eMelika lokunye hatshi ezodlakela.
Kuthi-ke uMongameli Joseph Biden ozancintisa kukhetho oluzayo emele ibandla lama Democrats uthi uqine saka loba esekhulile hatshi okuka Trump okuveza ukuba usekhulile kodwa kenelisi ukucabangela abanye abantu lokuthi wenzani.
Sixoxe ngodaba lolu loMnu. Raphael Mthombeni odabuka eZimbabwe ohlala eDallas, Texas, khonapha eMelika, othi uTrump uzama ukukhuthuza abalandeli bakhe ukuba bemsekele kukhetho.
Kodwa uthj uvele waziwa njengomuntu okhuluma ezodlakela ngakho akumangalisi akhuluma ngakho.
Forum