EleZimbabwe leleRwanda lisayine izivumelwano ezinhlanu ezokuthuthukisa inhlelo zamazwe womabili kwezokulima, ezomkhathi, ezokwethekelelana, ezokuthengiselana lezokusetshenziswa kwemitshina yakulezi insuku, emhlanganweni osungulwe ngoLwesibili owe Rwanda-Zimbabwe Trade and Investment Conference esigodlweni seKigali.
Umphathintambo kahulumende obona ngobudlelwano lamanye amazwe uMnu. Frederick Shava ukhokhela iqula leZimbabwe, ekhatshwe ngumphathintambo obona ngezokwethekelelana uMnu. Mangaliso Ndlovu, lomunye wakhe obona ngezamafekithali uNkosikazi Sekazi Zenza abasayine ezinye zalezo izivumelwano.
Umhlangano lo, ubulandela owaqhutshwa ekuqaliseni kwawonalo umnyaka lapho okwasayinwa ezinye njalo izivumelwano eziyisithupha emhlanganweni we Joint Permanent Commission on Cooperation. UMnu. Shava ubikwa esithi uhulumende uphakathi kokulungisa izivumelwano lezi ukuthi zisebenze.
Esinye isivumelwano sibikwa sisayinwe ngosomabhizimusi. Ukuhlaziya loludaba, sixoxe losomabhizimusi uMnu. Austin Nkomazana, okhokhela ugatsha olubona ngenhlelo zamabhizimusi kunhlanganiso yeBulawayo Progressive Residents Association, uMnu. George Mkhwananzi, ingcwethi ecubungula ezomnotho welizwe, kanye loMnu. Innocent Ndibali, umholi webandla lezombusazwe eleEFF Zimbabwe.
