Mhlaka 16 Nkwenkwezi kulilalanga lokunanza abasakhulayo bezwekazi le Africa umhlabeleli wele South Africa olodumo, uYvonne Chakachaka ukhuthaze inkokheli yelizwe ukuthi ihloniphe ilungelo labatsha. UChaka Chaka, oyisikhonzi senhlanganiso elwela ilungelo labatsha emhlabeni jikelele, i UNICEF, wethule lamazwi emkhosini wokunanza lelilanga eHarare phambi kukaMongameli Robert Mugabe lenhloko kahulumende, uMnu. Morgan Tsvangirai.
UTsvangirai yena uncome inhlanganiso ezilwela ilungelo labatsha esithi uhulumende uzaziphathisa emsebenzini wazo. Emazwini akhe emkhosini lo uMugabe ukhuthaze abasakhulayo ukuthi bengalahli ubuntu babo besekelana labathengisi.
KoBulawayo icele leMDC elikhokhelwa nguMnu. Morgan Tsvangirai linanze lelilanga ngeSonto. UChris Gande weStudio 7 uxoxe lomgcinisihlalo wabatsha kulelibandla kobulawayo uMnu. Bekithemba Nyathi ukuze sizwe okunengi ngalelilanga.
