HARARE —
Ingcwethi kwezombusazwe zithi ngokuya kwesikhathi, eleZimbabwe lilakho okuguquka libe lilizwe elilobukhokheli obuqakathekisa uzulu lanxa zithi lokhu kungafezeka kuphela nxa uhulumende obusayo engahlonipha ngokugcweleyo isisekelo sombuso esitsha esimumethe imithetho engcomekayo
Lokhu kuvezwe ngenye yalezingcwethi efundisa esikolo semfundo yaphezulu kuhlangothi lwezombusazwe uMnumzana Shakespear Hamauswa emhlanganweni lentathelizindaba oqoqwe ngabenhlanganiso ye Zimbabwe Democracy Institute njalo wenzelwa e Harare Club lamuhla ekuseni.
UHamauswa uthi lanxa zikhona inkinga ezilokhu zisesekhona elizweni, ngokuya kwesikhathi umumo wezombusazwe ulakho ukuguquka elizweni nxa uhulumende we Zanu Pf engagcwalisa abekade ekuthembisa ngesikhathi ekhankasela ukhetho okubalisa ukuluqeda udubo lokungathembeki i-Corruption.
Uthi u Hamauswa, njengoba umumo womnotho uzathuthuka umhlaba wonke jikelele lonyaka ngakho kutsho ukuba leleZimbabwe lalo njengelizwe elisathuthukayo lilakho ukuphathiseka ngalesi sehlakalo esikhangelelwe ukuba khona ngalo umnyaka ka 2014.
Kodwa okungaphathisa ukufezeka kwalintuthuko kwezomnotho elizweni yikuba uhulumende laye asebenze gadalala kudaba lokuvuselela umnotho welizwe athi kungaphathisa ukubuqeda ubuyanga elizweni ngoba buyibona nsika yokungezwani.
UHamauswa uthi sekumele uhulumende weZanu PF lo osembusweni kanye lozulu baguqule imibono yabo okuzaphathisa ukuthuthikisa ezomnotho elizweni.
Ngasikhathi sinye ukhuthaza uzulu ukuba aphatheke laye emsebenzini wokuletha intuthuko kwezomnotho,aguqule indlela aphatha ngayo imisebenzi yakhe yentuthuko hatshi ukukhangelela ukuba konke kuzakwenziwa zinkokheli zikahulumende.
Lezi ngcwethi zithi linguquko kwezomumo womnotho ingafezeka kuphela nxa kungalungisiswa okungumgoqo kuntuthuko okubalisa ukucaca kuhlelo lokunikezwa kwamandla kumankampani ezizalwane zakuleli olwe Indiginisation.
Abamabandla ezombusazwe aphikisayo lawo babekwa umlandu wokungaphathi umsebenzi wabo wokukhangelisisa indlela ibandla elibusayo elisebenza ngayo kuthi inhlanganiso ezimela izisebenzi lazo zingasaphathi umsebenzi wazo ngendlela ngoba kungekho manyano kizo kuveza lenzi ngcwethi.
Zithi lezingcwethi lokwenza kwebandla elibusayo ele Zanu Pf ukungaboni ukuqakatheka kokukhulumisana phakathi kwalo ngondaba lozathatha intambo zombuso nxa umongameli Robert Mugabe esetshiye leso sikhundla. Lanxa bengkavumi ukuqhakatheka kwalolu daba abebandla leli, ngolunye udaba oluzabuyisela muva imisebenzi yentuthuko kwezomnotho elizweni jikelele.
Lokhu kuvezwe ngenye yalezingcwethi efundisa esikolo semfundo yaphezulu kuhlangothi lwezombusazwe uMnumzana Shakespear Hamauswa emhlanganweni lentathelizindaba oqoqwe ngabenhlanganiso ye Zimbabwe Democracy Institute njalo wenzelwa e Harare Club lamuhla ekuseni.
UHamauswa uthi lanxa zikhona inkinga ezilokhu zisesekhona elizweni, ngokuya kwesikhathi umumo wezombusazwe ulakho ukuguquka elizweni nxa uhulumende we Zanu Pf engagcwalisa abekade ekuthembisa ngesikhathi ekhankasela ukhetho okubalisa ukuluqeda udubo lokungathembeki i-Corruption.
Uthi u Hamauswa, njengoba umumo womnotho uzathuthuka umhlaba wonke jikelele lonyaka ngakho kutsho ukuba leleZimbabwe lalo njengelizwe elisathuthukayo lilakho ukuphathiseka ngalesi sehlakalo esikhangelelwe ukuba khona ngalo umnyaka ka 2014.
Kodwa okungaphathisa ukufezeka kwalintuthuko kwezomnotho elizweni yikuba uhulumende laye asebenze gadalala kudaba lokuvuselela umnotho welizwe athi kungaphathisa ukubuqeda ubuyanga elizweni ngoba buyibona nsika yokungezwani.
UHamauswa uthi sekumele uhulumende weZanu PF lo osembusweni kanye lozulu baguqule imibono yabo okuzaphathisa ukuthuthikisa ezomnotho elizweni.
Ngasikhathi sinye ukhuthaza uzulu ukuba aphatheke laye emsebenzini wokuletha intuthuko kwezomnotho,aguqule indlela aphatha ngayo imisebenzi yakhe yentuthuko hatshi ukukhangelela ukuba konke kuzakwenziwa zinkokheli zikahulumende.
Lezi ngcwethi zithi linguquko kwezomumo womnotho ingafezeka kuphela nxa kungalungisiswa okungumgoqo kuntuthuko okubalisa ukucaca kuhlelo lokunikezwa kwamandla kumankampani ezizalwane zakuleli olwe Indiginisation.
Abamabandla ezombusazwe aphikisayo lawo babekwa umlandu wokungaphathi umsebenzi wabo wokukhangelisisa indlela ibandla elibusayo elisebenza ngayo kuthi inhlanganiso ezimela izisebenzi lazo zingasaphathi umsebenzi wazo ngendlela ngoba kungekho manyano kizo kuveza lenzi ngcwethi.
Zithi lezingcwethi lokwenza kwebandla elibusayo ele Zanu Pf ukungaboni ukuqakatheka kokukhulumisana phakathi kwalo ngondaba lozathatha intambo zombuso nxa umongameli Robert Mugabe esetshiye leso sikhundla. Lanxa bengkavumi ukuqhakatheka kwalolu daba abebandla leli, ngolunye udaba oluzabuyisela muva imisebenzi yentuthuko kwezomnotho elizweni jikelele.