Iziphathamandla zakwele Qatar zithi eleIsrael leHamas bazakwengeza ngensuku ezimbili isivumelwano sabo sokukhulula abathunjwayo labadabuka ePalestina abavalelwe entilongweni eTel Aviv.
Lokhu kwethulwe enkundleni yeX yiziphathamandla lezi ezithi lokhu kuzakwenza ukuba kukhululwe abanye abathunjwa yiHamas ngoMfumfu lonyaka labavalelwe entilongweni ngeIe Israel.
Inhlanganiso yeUnited Nations ibika ukuba okwamanje iHamas isikhulule abafika phose amatshumi amane – 39 kuthi njalo eleIsrael selikhulule abedlula kancane ikhulu – 117 phansi kwesivumelwano esigqitshwa ngoMvulo.
EleQatar, ele-Egypt lele Melika asebenza gadalala ukuze kube lesivumelwano esizathatha isikhathi eside hatshi okwensuku ezimbili kuphela. Iziphathamandla zeGaza zithi abantu abafika phose inkulungwane ezilitshumi lanhlanu – 14,800 sebebulewe kulandela ukubhomba okwenziwa ngele Israel.
IHamas yabulala abadabuka kwele Israel abedlula inkulungwane – 1,200 ngoMfumfu ize ihlasele lelolizwe.
Ukuhlaziya loluda sixoxe loMnu Joseph Nkomazana olandela ezombusazwe njalo okunhlanganiso yezakhamizi eyeBulawayo Progressive Residents Association.
Forum