EleMelika lithi selisekela umbono wokuthi izwekazi leAfrica libe lesihlalo, i-permanent seat, kugatsha lomanyano weUnited Nations olubona ngezomvikela olweSecurity Council.
Lokhu kuza phambilini komhlangano omkhulu weUnited Nations General Assembly ozakwenzelwa eMelika kumaviki amabili alandelayo.
I-Reuters ibika ukuthi ummeli weMelika kuUnited Nations uNkosikazi Linda Thomas-Greenfield uzakwenza isimemezelo phezu kwenyathelo leli ngoLwesine.
Ithi njalo eleMelika lifuna amazwe asezihlengeni ezincane lawo aphiwe isihlalo ku-security council.
Kodwa lanxa kungaze kwenzeke lokhu, uThomas-Greenfieild uthi iMelika ayivumi ukuthi kuqheliswe inani lamazwe alamandla okuthatha izinqumo ezibalulekile kuUnited Nations, ama-veto powers.
Abakhokheli beAfrica abanengi abagoqela umuyi uRobert Mugabe bahlezi begqugquzela ukuthi izwekazi leli liphiwe ilungelo lokuba lilunga leUN Security Council futhi libe lama-veto powers.
Ocubungula ezombusazwe uMnu Mthulisi Mathuthu utshele iStudio 7 ukuthi kungathokozisa abantu abanengi nxa ngempela iAfrica ingaba lilunga lalolugatsha.
Forum