Ele-Israel liqhubekela phambili liphosa amabhomba eGaza lapho osekubulewe abantu abafika phose amakhulu amahlanu kusukela ngoLwesihlanu kulandela ukumiswa kwenkulumo zokukhulula abathunjwa yiHamas kanye labavalelwe entilongweni e-Tel Aviv.
Abezindaba abeAssociated Press babika ukuba umkhokheli wakwele Israel uMnu. Benjamin Netanyahu uthi ilizwe lakhe lizaqhubekela phambili lilwisana leHamas lize liqedelane labo. UNetanyahu uthi usemise inkulumo leziphathamandla zeHamas. Abekhokhela iHamas bathi eleIsrael libulala abantu mahlayana eGaza lisithi lidinga amalwecatsha.
Kubikwa ukuba kulabantu abedlula inkulungwane ezilitshumi lanhlanu – 15,200 asebebulewe eGaza selokhu kwaqala impi le. Sokubulewe abedlula inkulungwane – 1,200 kwele Israel. IHamas isikhulule abantu ayebathumba ngoMfumfu abedlula inkulungwane - 110 kuthi eleIsrael selikhulule ababevalelwe entilongweni abafika phose amakhulu amabili lengcenye – 240.
Banengi abalokhu besezandleni zeHamas kanye labavalelwe ngele Israel abadabuka ePalastina. Ukuze sizwe okunengi ngodaba lolu, sixoxe loMfundisi Useni Sibanda okunhlanganiso yeZimbabwe Christian Alliance.
Forum