Inhlanganiso ekweledisa amazwe womhlaba imali eye International Monetary Fund (IMF) ithi iZimbabwe iyazama ukubhadala isikwelede sesikhwama sayo sabampofu iPoverty Reduction and Growth Trust loba nje ukudonselana kwamabandla abasuyo elizweni kungayiphazamisa ukubhadala imali efunakalayo.
Umbiko osanda kwethulwa yi-IMF uthi iZimbabwe ibhadale izigidi ezine zamadola eMelika ngomnyaka ophelileyo njalo yathembisa ukuthi izabe ibhadala inkulungwane ezilikhulu zamadola eMelika kathathu ngomnyaka.
Inhlanganiso le ithi loba iZimbabwe yenelise ukwenza lokhu kungaphazanyiswa yikulwisana kwamabandla abusayo lohlelo lokwabela uzulu amashares amankampani emazweni olwe Indigenization.
Inhlanganiso le iphinde yathi iZimbabwe iqhuba kahle ukuguqula ukusebenza kwebhanga le Reserve Bank of Zimbabwe.
Ingcwethi kwezenotho uMnu. Bekithemba Mhlanga uthi ele Zimbabwe lenza kahle ukubhadala izikwelede ze IMF loba lingakhutshwa ngezombusazwe.
