Amapholisa athi sokubhubhe abantu abafika amatshumi amabili lanye ngesikhathi sekhefu lePhasika.
Umsekeli wesikhulumeli samapholisa, uChief Superintendent Paul Nyathi, uthi ezinye ingozi lezi zenziwe ngabantu abanathe utshwala badlulisa amalawulo.
“Selokhe kuqalise ikhefu lePhasika sokufe abantu abangamatshumi amabili lanye. Ngesikhathi esifanayo nyakenye bekubhube abantu abayisikhombisa. Ingozi emigwaqweni sezizinengi njalo kukhanya ukuthi abatshayeli kabenzi kahle emigweqweni.
“Izolo (ngoLwesihlanu) kufe abantu abalitshumi. Omunye utshaywe yimota eMbare umtshayeli wahle wabaleka. Kweyinye ingozi umtshayeli ubezama ukudlula eyinye imota wasetshaya umduli webholoho kwafa abantu abathathu. Zinengi sibili ingozi ezinje ezibangwa ikakhulu ngabatshayeli abangelandaba lokuthi benzani emigwaqweni.”
Abantu kwele Zimbabwe abanengi balezihlobo labangane ngesikhathi sePhasika.
