UMnu. Jacob Mafume, okumanyano weMDC Alliance okhokhelwa nguMnu. Nelson Chamisa, usekhethwe ukuba ngumeya wedolobho leHarare.
UMafume unqobe uMnu. Luckson Mukunguma, kukhetho lukameya olwenziwa namuhla.
Isikhulumeli sika Chamisa, uDokotela Nkululeko Dube, uthi ukunqoba kuka Mafume kuveza sobala ukuthi umanyano weMDC Alliance uqine saka.
USibanda uthi uMafume kaxotsheki ukuba ngumeya njengosanda kususwa esikhundleni leso, uMnu. Herbert Gomba, owangena ngebanda leMDC. UMafume ukubandla lePeople’s Democratic Party.
UMukunguma ubesekelwa libandla leMDC-T lele Zanu PF kukhetho olwenziwe ngamakhansila edolobho leHarare.
Kasenelisanga ukukhuluma ngodaba lolu leziphathamandla zebandla leMDC-T kanye lele Zanu PF ebezikhangelane lamadolobho ebezingaphenduli omakhalekhukhwini.
Ibandla leMDC-T selixotshise amakhansila ambalwa kanye lamalunga edale lephalamende lisithi lisebenzisa isinqumo somthethwandaba weSupreme Court eyathi uChamisa kakhethwanga ngemfanelo ukuba akhokhele ibandla leMDC.
Kodwa umanyano weMDC Alliance uthi wazimela wodwa ekudingeni amakhansila lamalunga edale lephalamende.