Kuhlelo Woza Friday kuliviki silomculi owayengumdlali omkhulu wenguqu kweleZimbabwe uCharles Mahlaba Banda.
UCharles, owadlalela amaqembu enguqu ambalwa agoqela eleChicken Inn FC, khathesi usengumculi womdumo weAfro Jazz le Afro Pop ekoBulawayo.
Abantu abanengi bamazi ngokuthi ngumntaka Sam Mahlaba Banda, owayecula umdumo weScathamiya leqembu lakhe lodumo eleSunduza Boys.
UCharles sekhabele ezenguqu egangeni walandela indlela kayise.
"Mina ngafunda eNkanyezi Primary School kuthi esecondary level ngafunda eSikhulile High. Yikho lapha engenza khona ukuqeqesha kwami. Bengidlala ibhola, yinto vele engasuka layo ngisesemncane ngadlalela iRail Stars, Chicken Inn leQuelaton. Yiwo amaqembu ebengiwadlalela lapha koBulawayo. Ukucula kubuye sokuyinto ekade sengitshelwa ngabantu ukuthi ngiletalent kwezokucula. So, mina ngangihlala ngiconcentrator ebholeni."
UMahlaba ubengohlala ecula ingoma zabaculi abatshiyeneyo nxa elabanye bakhe besemdlalweni wenguqu okuyikho okwamqumbaqumbayo ukuthi atshiye ibhola lenyawo aqhubeke ngemisebenzi owatshiywa nguyise.
"Ubethanda ukungithatha ngihamba laye kumashows ngisiyambukela. So, yikho okwangi inspire ukuthi lami ngifise ukuthi ngingene kwezomculo like izingoma zabo Jabu Khanyile, Busi Mhlongo, abantu abanjalo oRay Phiri so yibo abantu, oDon Gumbo oDorothy Masuka, so yikho okwangenza ngacina ngingena emculweni kakhulu. Amaprojects ami ngenza leSunduza, upcoming artists akucommunity, choir ese UK eyatshiywa ngubaba wami okuthiwa yiSosa, Sosa Xa, then ngisebenze njalo lo Janet Wood use England laye khonangale."
Okwamanje upheka elinye idlalade lakhe elitsha njalo ukhangelele ukuliphakulela uzulu ngokuya kweskhathi. Lona elakuqala lahambanjani Mahlaba?
"Le Album engayireleaser uNdebe zami. I album le ngayenza ngo2018 ilengoma ezingu 10 phakathi. Phakathi kwe Album yonaleyo kulengoma okuthiwa ngikhethe wena yiyo engayenzela ivideo yiyo eyayenza udumo sibili ebantwini abanengi yikho lapho abantu abanengi abahle baqala khona ukunjani ukungisekela sebebona ngisenza lumculo, asonto nje ephongubuya lubizo engilithathela emdenini."
Abalaleli bangaxhumana njani lawe, ubatshele lokuthi bangawuthola njani umculo wakho?
“Mina ngitholakala kuma social media, Facebook, Instagram, ngibuye ngitholakale laku YouTube yikholapha abangathola khona umsebenzi wami. Then amanye ama Social media platforms ngisawabenza manje ukuthi imusic yami ingene khonapho kodwa lalapha abangithola khona inumber zami ngu0775941200."
Abadala bathi udiwo lufuze imbiza. USam Mahlaba Banda ngesiphiwo ayelaso sokucula wazizala kulelijaha elicula kamnandi, uCharles Mahlaba Banda.
