Ibandla leCitizens Coalition for Change lithi kuyayangisa okwenziwa libandla leZanu PF lemithethwandaba evimbe abakubandla leli abafisa ukungena kukhetho lwama byelections oluzayo.
Lithi kusobala ukuba uhulumende wezimbabwe kafuni uzulu azibuse.
Kusanda kuvinjwa uMnu. Amos Chibaya labanye bakhe abaxotshiswa edale lephalamende nguMnu. Sengezo tshabangu.
Umnu. Prince Dubeko Sibanda owayemele iBinga North edale lephalamende wavinjwa ukuba angene kukhetho lwama byelections nyakenye uthi akumangalisi okwenziwa yimithethwandaba.
Kodwa uMnu. Malaki nkomo owebandla leZanu PF uyakuphika lokhu esithi uhulumende ulandela imithetho yelizwe hatshi lokhu okukhulunywa ngabaphikisayo.
Siphinde saxoxa ngodaba lolu luMnu. Khaliphani Pugeni isikhulumeli sika Tshabangu othi ungunobhala jikelele webandla leCCC othi akulabufakazi ukuba uTshabangu usebenza lele Zanu PF njalo uthola iholo aliphiwe nguhulumende.
Forum