amalinks wokungena

Breaking News

IZimbabwe Warriors Izangqikilana leCameroon Emdlalweni Wakuqala Lonyaka oweAfrica Nations Championship


Zimbabwe Warriors
Zimbabwe Warriors

Ilizwe leZimbabwe lingqikilana leleCameroon emdlalweni wakuqala wenkezo yemidlalo yeTotal Africa Nations Championship ozadlalelwa edolobheni leYahonde ngoMabasa lonyaka.

Inhlanganiso yenguqu ebona ngokwenzakala komdlalo lo kuzwekazi leAfrica eyeConfederation of African Football (CAF) yethule umbiko lo ngoMvulo kulandela ukudojwa kwamabizo amazwe abefakwe esitsheni asehlelwa ngezibaya ezine.

Amanye amazwe akusibaya sinye leZimbabwe leCameroon, esibizwa ngokuthi yiGroup A, lilizwe leMali lele Burkina Faso.

Abantu abanengi eZimbabwe kade besesaba ukuthi eleZimbabwe lifakwe sibaya sinye lelizwe leCameroon, Democratic Republic of Congo, Morocco, Tanzania leZambia.

Isibaya sesibili, esibizwa ngokuthi yiGroup B, silelizwe leLibya, DR Congo, Congo leNiger kuthi-ke kuGroup C kule Morocco, Rwanda, Uganda le Togo. Kusibaya sika Group D kuleZambia, Guinea, Namibia leTanzania.

Ababili abancedise ukuthi kulungiswe izibaya lezi ngabake badlalela ilizwe leCameroon uStephen Tataw loSalomon Olembe akade bencedisa umqondisi wemininciswano weCAF, uSamson Adamu.

Imidlalo le iqala mhla zine kuMabasa igqitshwe mhlaka zingamatshimi amabili lanhlanu kuMabasa.

IZIBAYA ZEMIDLALO YALONYAKA

Group A: Cameroon, Mali, Burkina Faso, Zimbabwe

Group B: Libya, DR Congo, Congo Brazzaville, Niger

Group C: Morocco, Rwanda, Uganda, Togo

Group D: Zambia, Guinea, Namibia, Tanzania

XS
SM
MD
LG