Abatshayela imota ezinkulu ama trucks phakathi kommango weSouth Africa le Zimbabwe bathi ilokhu iqhubeka ingxabangxoza emngceleni we Beitbridge Border Post lapho okulendwendwe ezinde zemota, njalo bathi uhlangothi lukahulumende olwe Zimbabwe Revenue Authority (ZIMRA) luyehluleka ukuqhuba kuhle umsebenzi walo.
I-ZIMRA yona ibikwa isithumele iqula lokudingisisa ngaloludaba.
Ezinye imota zibikwa zilokhu zilinde zikule indwendwe kusukela ngoLwesihlanu olwedluleyo kulindawo, osokubangele ukuthi kube lendwendwe ezinde kakhulu ezemota ezivela kwele South Africa zingena kweleZimbabwe.
UMnu. Albert Mhlanga, omela iPhumula edale lephalamende njalo ekukhomithi ebona ngemota zokuhambisa kulelidale utshele uSithandekile Mhlanga weStudio 7 ukuthi okunye okungabe kubangela loluhlupho yikungethembeki kweziphathamandla zikahulumende.
