Idolobho lakoBulawayo ngoLwesihlanu lazise ukuthi amakilinika alo abalisa eyeLuveve, Phelandaba, Luveve, le Nkulumane avuliwe ngaleli ikhefu lephasika kusukela ngehola lika eight O’clock ekuseni kusiya kwelika 12 O’clock emini ukwenzela ukuthi abantu bayehlatshwa ijekiseni yokwenqabela I COVID 19.
Esethula lumbiko, umabhalane walikhansili uMnu. Christopher Dube ugcizelele ukuthi okufanele behlatshwe yilabo abaleminyaka edlula ematshumi ayisithupha-60, abasebenza imisebenzi engabathelela leligcikwane lula, abezikolo, abaleminye imikhuhlane, labalinda amabhizimusi abe security.
Lokhu kwenzakala ugatsha lukahulumende olwezempilakahle lusithi abantu abahlatshwe lijekiseni elizweni sebefika phose inkulungwane ezingamatshumi ayisitshiyagalolunye; 87, 791.
Abebahlaselwa yileligcikwane selokhe laqhamukayo bedlula inkulungwane ezingamatshumi amathathu lasithupha; 36, 896 labulala abedlula inkulungwane lengxenye yayo 1, 523.
UKhansila Febbie Msipha weLuveve, othi uhlatshwe lijekiseni izolo utshele iStudio 7 ukuthi ukhuthaza abahlali balelidolobho ukuthi labo behambe bayekwamukela lumjovo.
