Imifanekiso kaMongameli Mugabe elendodakazi yakhe uBona emhlanganweni okhangelane lokulwisana lengozi kweleJapan kubangele ukuxokozela enkundleni zebulenjini ngoMvulo abanengi bebuza ukuthi uBona uhambe emhlanganweni lo ngaliphi lokuthi engaba ebhadalelwe nguhulumende na.
Abanengi bathi akuqondanga ukuthi uMugabe angene imihlangano kahulumende lenkokheli yakwamanye amazwe labantwa bakhe, abangayisizo zisebenzi zikahulumende njalo.
Umfanekiso ophume kuZBC utshengise uMugabe ehlezi ehanqwe nguBona lomphathintambo obona ngobudlelwano beZimbabwe lamanye amazwe uMnu Simbarashe Mbengegwi.
Abathathu laba babikwa bebeqhuba umhlangano lomkhokheli weleJapan.
Nxa uhambo lukaNkosikazi Bona luhlawulelwe nguhulumende, lokhu kuyabe kuyikuphambanisa ngoba engayisiso sisebenzi sikahulumende, kutsho ibandla leMDC-T.
Ukungena kwakhe imihlangano kahulumende loyise lakho yinto esolwayo kungakhathalekile ukuthi kungani bekwenzile lokhu.
Sixhume umsekeli wesikhulumeli seMDC-T uNkosazana Thabitha Khumalo.
