WASHINGTON —
Amazwe omhlaba azananza usuku lokuqakathekisa amalungelo oluntu ngoLwesine abasakhulayo beZimbabwe bekhala ngokuthi uhulumende weZanu PF uqhubeka ehlukuluza uzulu njalo engela ndaba lamalungelo oluntu.
Abasakhulayo laba bathi ukunyamalala kukaMnu Itai Dzamara ngumzekeliso osobala wokuthi ngempela akula nkululeko eZimbabwe.
Unobhala jikelele wenhlanganiso yeUnited Nations uMnu Ban ki Moon uthi uzulu kumele azinuke amakhwapha ngaleli langa azinikele ukuhlonipha lokukhankasela ukuhlonitshwa kwamalungelo.
Osakhulayo webandla leMDC elikhokhelwa nguMnu Welshman Ncube, uMnu Oscar Ncube uthi kuyadanisa ukuthi uhulumende uqhubeka esephula amalungelo.
"EZimbabwe amlungelo oluntu kaqakathekiswa, njalo le yinto ebuhlungu kakhulu," kutsho uMnu Ncube.
