Ezinye izakhamizi zakoBulawayo ezibhekane lesimo esibi somnotho sezibaza okutshiyeneyo kube labanye, ikakhulu abasakhulayo abafundileyo, abathengisa inkuni ukwenzela ukunakelela imuli zabo.
Elokitshini leMakhandeni banengi ababaza amasofa, imibheda, amakhabothi lokunye okuthengiselwa uzulu. UMnu. Clifford Ndlovu ngomunye wababaza okutshiyeneyo.
"Lapha mina ngiyabaza ngibaza into ezitshiyeneyo, ngibaza ama-wardrobe, kitchen units, ama-room dividers, cupboard, imibheda lokunye. Ibhizimusi ikhona kodwa uhlupho nje yikuthi asila mali yokuthi siqhubekele phambili ngomsebenzi wethu kalula simelela nje ukuthi singaphiwa imali ngabantu laba abayabe befuna izinto sibe sesibayenzela ngemali zabo."
UMnu. Busani Ndebele yena ubaza amakhabothi.
"Amasofa lemibheda ngiyazibazela, ngihlanganisa from amaplanka ngizijoinisele kuze kucine sokulisofa. Akufani lokuhlala phezu kwezandla.”
EMpopoma kulendawo yabathenga bethengisa okubazwayo. UMnu. Kudzanai Mlambo ngumphathi walindawo.
"Lapha indawo leyi isiyaziwa kakhulu ngoba kulama-customer ngapha ayabuya ezothenga. Abantu bayenelisa ukuziphilisa lapha.”
Abanye njalo, abagoqela abafunda emakolitshini ezifundo eziphezulu, bathengisa inkuni edolobheni leli ukwenzela ukuziphilisa.
UNkosazana Emmaculate Chibaya, oleminyaka yokuzalwa elitshumi lasitshiyagalombili – 18 ngomunye wabo.
"Ngizama mbijana khonalokho engiyabe ngikutholile ngoba khona vele ekuthengiseni inkuni ungathengisa eze USD10 uyabe uyahola idola ungathengisa USD20 kuyabe kuyi USD2 so vele kunzima kuyikuncengisa ngoba ngingayekela abanabami bengafa ngendlala."
Omunye osakhulayo othengisa inkuni nguKnowledge Ncube, oleminyaka yokuzalwa elitshumi lesificamunwemunye - 19 udinga umsebenzi.
"Khona kungcono nje mbijana imali ayikho nengi yonaleyi nje yokuthi uphille mbijana size zami ezinengi zibhema inyaope ama drugs ingoma imbanje but mina ngadiscover ukuthi ayi njoba ngingela mali ngcono ngibe ngizincengela ukuthi ngiziphilise."
Omele iPelandaba-Tshabalala edale lephalamende ekubandla leZanu-PF, uMnu. Joseph Tshuma, uthi abantu kumele bezame ngamandla wonke ukuzisebenzela njengalaba ababaza okutshiyeneyo lokuthengisa inkuni kulokuhlala bekhalakhala.
"Ingqondo yokuhlala sikhala ngokuthi sidinga umsebenzi, kwesinye isikhathi akusisebenzeli kodw aukuvuka sizenzele kusenza sibengcono ngoba ama nkampani wonke owabona wonalawawa aqalisa emancane akhula aze abangamankampani amakhulu njalo ekusebenzeni kwabo sesibonile intuthuthuko isibakhona ezimpilweni zabo."
USenator Sengezo Tshabangu, ozithi ungunobhala jikelele webandla eliphikisayo eleCitizens Coalition for Change, uthi ukwanda kwabenza imisebenzi yezandla kuveza ukuba umnotho usugugudeke okumangalisayo eZimbabwe.
"Ilizwe limi kubi eh abantwana abasebenzi eh singathi about 80% of abantu bakithi sebeku informal sector abanye bayabaza abanye bayenza loba yini okwezandla ukuthi baziphilise so lokho yisibonelo ukuthi ezomnotho azimanga kuhle
UMnu. Winos Dube, umgcinisihlalo wabahlali bako Bulawayo okunhlanganiso yeBulawayo United Residents Association, uthi abangatholi imisebenzi kumankampani azimeleyo lakuhulumende bazama ngamandla wonke ukuziphilisa.
"Abaphathi bedolobho bekunanzelele khonapho ukuthi kambe abantu labo bazama ukuzinceda nxa abantu sebebonakala benjalo badinga usizo abazame ukuthi bahlelelwe banikezwe kumbe izindawo ezizaba lezindlela zokuthi behlanzeke kube lezambuzi lamanzi lani lani."
Umsekeli kaMayor wedolobho lako Bulawayo ukhansila Edwin Ndlovu uthi bayaziphilisa abantu abanengi eZimbabwe ngenxa yokuswela imisebenzi.
"Abantu abasebenzeya sokuyibo abaphakamisa I economy yezimbabwe bephathisa uzulu labo beziphathisa.”
Ohlaziya ezombusazwe, ezomnotho lenhlalakahle kazulu, uMnu. Rejoice Ngwenya, uthi kuyamangalisa ukuba uhulumende uthi abenza imisebenzi yezandla ngabantu abaqhatshwe njengalabo abakuhulumende lamankampani azimeleyo.
"Abantu abanengi phose 10 million izizalwane zeZimbabwe ezifuna kumbe ezidinga umsebenzi obhadalayo kaziwuzuzi abantwana bethu phose 3 million abalama degree abanye balama certificates bango lova umsika kumbe umshikashika yeah ngumsebenzi kodwa awubhadali phela awula pension awula medical aid awula pay slip ah akula job security lapho singayengwa nguhulumende we zanu pf othi ukuthengisa umbhida emgwaqweni ngumsebenzi hayi ayisikho."
Lanxa ezinye inhlanganiso ezizimeleyo ezinjengeyezisebenzi eyeZimbabwe Congress of Trade Unions, eyabaqhatshi eyeZimbabwe Chamber of Commerce sizithi inani labantu abangasebenziyo ledlula okuyisilinganiso zokungamatshumi ayisitshiyangalombili – 85%, uhlangothi lukahulumende olweZimbabwe National Statistics Agency luthi bedlula kancane isilinganiso sokulitshumi ekhulwini – 10% kuphela eZimbabwe.
Forum