Abantu abanengi batshela ikhomishini ibona ngamalungelo oluntu ukuthi iGukurahundi yatshiya abanye babo eMatabeleland leNkabanzwe bengenelisi ukuthola ingwalo zokuzalwa amabirth certificates lokunye okufanayo.
Lokhu kuvele emhlanganweni owenzelwe eLupane yiZimbabwe Human Rights Commission lapho obekulezinduna, abamele inhlangothi zikahulumende, amakhansila, abamele inhlanganiso ezizimele zodwa lezakhamizi.
Abakhala ngencwadi lezi bathi kunzima ukuthola amabirth certificates nxa umuntu wafelwa ngabazali lezihlobo ezabulawa yiGukurahundi. Kukhangelelwe ukuthi kuzakwenziwa umhlangano omkhulu ngeviki ezayo eZimbabwe ozahlolisisa uhlupho lolu. UMnu. Thembelani Moyo ohlala eLupane uthi babengi abantu kuleyondawo abangela mabirth certificates, izithupha lokunye.
UMnu. Vengesai Mukutiri, unobhala wekhomishini yeHuman Rights Commission, uthi kumele abantu bakhululeke nxa bekhuluma ngokwenziwa yiGukurahundi.
