Uzulu ohlala emalokitshini akoBulawayo afana leMagwegwe, Mpopoma, Phelandaba, Entumbane, laseEmakhandeni usekhuthazwe ukuthi aphume ngobunengi ayebhalisela ukuvota ngoba balutshwana kakhula abaza phambili.
Linkuthazo ivela kumanyano weEkhaya Vote 2023, yona ethi abantu bengekela ukuyabhalisa kungaba kuziphi indawo zelizwe, balakho ukulahlekelwa ngabameli ephalamende phansi kohlelo lokucanda kutsha ama-constituencies, olwe-delimitation.
Uhlelo lokubhalisa uzulu ozavota kukhetho luka2023 lolu, olweMobile Voter Registration, lusungulwe yiZimbabwe Electoral Commission (ZEC) mhlaka 1 kuliyanga njalo luzagqitshwa ekupheleni kwayo.
Isikhulumeli somanyano weEkhaya Vote 2023 uMnu Nkosikhona Dibiti utshele iStudio 7 ukuthi okunye okuhluphayo yikuthi kulembiko engaqondaba mayelana ngaloluhlelo esuke iphazamise uzulu.
