Abantu abanengi asebekhulile asebasuka emisebenzini etshiyeneyo bathwele amagabha avuzayo ngenxa yokuswela imali yokuthenga ukudla, impahla yokugqoka lokunye okufuneka nsukuzonke. Inengi labo seliphila ngokucela imali.
Ukuwa kwesisindo semali yeZimbabwe kusukela ngomnyaka ka2008 kwadala uhlupho olumangalisayo kwabasuka emsebenzini sebesiya phumula. Inengi labo kalitholi amapentshini kuthi njalo abazuza leyo mali baphiwa engeneli ukuthenga ukudla lokunye. Abadala bathi izithukuthuku zenja ziphelela eboyeni. Kulabanye njalo abalahlekelwa yimisebenzi. Omunye wabakusimo lesi nguNkosikazi Tryphine Maphosa owaphelelwe ngumsebenzi eNational Railways of Zimbabwe, owathenjiswa imali yepentsheni kodwa kwaphelela emoyeni.
"Ngihambe ngo July 1993 ngazuza 46,000 yiyo engayiphiwayo. I was 35 then kusikisela khonapho ngize ngithi 60 akula lutho ebengiluthola in between. When I turned 60 ngayakubo ngabatshela ukuthi sengi thene 60 sengiphiwa khathesi 40 a month then ungabuya uphethe packet lesawudo kumbe le sour yikho lokhu."
UMnu. Steven Moyo oleminyaka yokuzalwa engamatshumi phose ayisokhombiss - 69, wasebenza okweminyaka eminengi eRailways, wagunyulwa ngemva kwengozi yesitimela eyamashiya sekhubazekile, uthi uphila nzima.
"Ngalimala railways, abanye bayahola khathesi imedical pension mina angiholi, abantwa bami abazuzi umsebenzi umfana okade bamngenisile babuya bamkhipha. Into engimangalisayo mina ngisebenze kangaka erailways umntanami kumele ukuthi asebenze kodwa bayamkhipha. Oyinkazana last born ule 5 O levels wenzile iNurse Aid but kaqhatshwa kuyangimangalisa ngabahleziyo. Ngapha ku City Council ngilesikwelede ngiyehluleka ukumbhadala Cty Council. IPension fund banginika 57zig USD2 ngihamba ngicela ukudla ebantwini."
Omunye owathatha umhlaphansi ngokugunyulwa eRailways uMnu Norman Silobi uthi baqanjelwa amanga ukuthi bazaphiwa imali yabo yilinkampani.
"Sahamba nge retrenchment si retrenched saphiwa ilokhuzeni abayithi yi 1/3 leyana. Ngithe sengifike ku 60 ngo 2007 ngayababuza ngayabakhumbuza. Bacina besithi wena imali yakho sowayithatha yonke awuholi lutho wena. Ipension akula lutho, uNssa nguye ophumbu kusizama ngokunye khathesi ngabona yikho engihola 30"
Ukhulu uMusa Santungwana laye wasebenza kololiwe kodwa yena uthi lanxa imali ayitholayo yepentsheni incane uyabonga ukuthi uyancengisa.
"IZiG basinika 30 ZiG. Khathesi khona ithe gqwi sengiku US$80."
Obona ngezokubhadalwa kwepentsheni ye NRZ, okuPension Fund, uMnu. Morgen Nyathi, uyavuma ukuthi imali incane abayibhadalayo eyepentsheni.
"Hayi udubo lolu siyalwazi sibili asiluyali bakhona abahola imali ezincani. Beginning this July fund yethu sakhweza imali yama pensioners laba sithi abahola iminimum so ibiku 36 dollars so sifuna ukuthi konke as from July this year siyikhweze iyeku bakhona abayabe sebehola ama $50 siyakwazi ukuthi poverty datum line iku $58."
UMnu Mika Moyo, oleminyaka yokuzalwa edlula kancane amatshumi ayisitshiyangalombili - 83 uthi wasebenza kumakampani ambalwa azimeleyo waze wayaphumula. Uthi katholi ipentsheni.
"Akulanto engiyitholayo ngithola yonalimali engayizuza kuphela ngisebenza eNational Foods i$30 lama bond kuphela yona eye NSSA yiyo engiyikhulumelayo akula eyinye imali engiyitholayo ngidla nzima sibili."
Ugogo uRegina Ngwenya ohlala eKezi ngumfelokazi oleminyaka yokuzalwa engu-82. Umkakhe owayesebenza watshona. Ugada amabhasi nyangazonke esiyadinga ipentsheni yomkakhe efika $20 eNSSA.
"Bayabebona bona kufanele ukuthi banginike khonokho. Ngizabuzani ngingazi lutho ngiyagada ibus $5 ngangivele ngilapha kwathwa akula card so ngaze ngaya eKezi ngalungisa kwakhanya lakho kungahambi."
Ukhulu uCephas Nyoni oleminyaka elingana leka Gogo uMaNgwenya uthi kakwazi ukuba kumele athole malini eNSSA.
"Ngifuna ukuba kwazi ukuthi ipay yami imi njani ukwenzela ukuthi asisa budget phela. Siyathelela izindlu imali iyashota khathesi ngikhuluma so ishotile imali ye rent. Amabond bathi bona ayalingana le US Dollar, yasiqhuba yasiqhuba sasesikuma 80 khonapho. Yehlivalue lokhu sehla isehla isehpa ayisalingani le US dollar."
Obona ngokuxhumana lokukhipha imibiko kuhlangothi olubhadala ipentsheni kazulu olweNational Social Security Authority, uMnu. Msizi Ndebele, uchaza kabanzi ukuthi ngabanjani okumele bahole imali yeNSSA.
"Kusukisela ngo October 1994 laphi NSSA eyaqalisa khona kusiza ngapha ngaba sebenza kuma company azimeleyo laba private sector and nxa kuyikuthi wayeku Hulumende sikhangelele ukuthi ebe wayesemsebenzini ngo June 2002 ngoba yikho lapho okwaqalisa khona NSSA kuHulumende ukubanjwa kweNSSA yikho lapho okwangena khona izisebenzi zikaHulumende kuNSSA so yiwo amalunga eNSSA esiwakhangeleleyo."
UNdebele uyaphambili echaza ngemali yepentsheni.
"Ukuthi uhola malini lakho ngokunye okulethwa to book ukuthi sibone ukuthi sibone ukuthi sibhadala njani okuhle yilokhu uhulumende ufake minimum pension engabhadalwa yi NSSA ukuthi lanxa singa caculater kungawela ngaphansi kwaleyi inumber leyi hayi kutsho ukuthi siyaphombu kukuphakamisa sikujikijele kuminimum pension yethu yena khangela ukuthi umuntu yenalowu owayesebenza wasebenza wabanjelwa imali yeNassa okwesikhathi eside okungakanani."
Ugatsha olubona ngenhlalakahle kazulu olwe social services lwalile ukukhuluma le Studio 7 lusithi iStudio 7 kayikhulume leNSSA ngodaba lwamapentsheni.
Forum